طاحت الدنيا قبل طيحة دموعي من عيوني
ولايم دموع المفارق بالملام أحق وأولى
لا تلوموني على دمعي ولا تستضعفوني
ادري ان الدمع غالي لكن الغياب أغلى
فـ ان لمحتوني سرحت وغبت عنكم نبهوني
واشغلوني في تفاصيل السوالف يمكن اسلى
الجفا حطم عزومي والسهر والف جفوني
والصبر بيت يضج بحزن كهل ونوح ثكلى
فاتنة شعري وبنت احساسي وشيخة لحوني
ليت دورات الليالي مثلها سمحا وخجلى
سامح الله ذنبها راحت وخلتني بدوني
فقدها بلوى وشر وذكرها أشر وابلى
أتذكرها وألوم الحظ واعاتب ظنوني
اه يا لولا الظروف واه من قولة يا لولا
يرتفع سوق العذارى بالحلا ويطيح دوني
لو لهن رزة قوام وعنق ريم وعين نجلا
