إيديك دي وهي لامساني بحس براحه فوق الوصف
وجودك جمبي قواني ومن غيرك بحس بضَعف
ماليش ف الدنيا دي غيرك جيت وخطفت قلبي انا خطف
وعمري ما أتوه ف يوم عنك بشوفك حتى لو بين ألف
حبك رزق جه ف وقته
حلم بعيد وحققته
طريق من يوم مانا بدأته وقلبي إرتاح
حبك فرحه جنونيّه
دفا وأمان وحِنيّه
عوض من ربنا ليا عن اللي راح
عيونك نورو حياتي بقالها حبيبي طعم وشَكل
مافيش غيرك ف حساباتي يا أجمل حد طبع وشَكل
بشاركك كل تفاصيلي وبيك إستكفى قلبي بجد
ملكت مشاعري وبقيتلي أهم وأغلى وأقرب حد
