هدي نفسك واترك الهم لحبيبك
ضيقتـــك مــا ودي تأثـر عليـك
كل ما بالدنيا يحصلك نصيبك
لا تفكـر دامـني عندك وأبيــك
الليالي لوهي راحت بك تجيبك
والسعادة مهما تنساك بتجيك
غمض وخل الحياة تعيش طيبك
وكل شي عايش ترى منك وفيك
خل كل العمر هذا يحتفي بك
وحط ايديني حبيبي في يديك
الغلا فيني من الله يلتقي بك
والمحبـه كـل ليلـة تحتريك
إن بكيت الدمع عمره ما يعيبك
بكي عينك هذي واضحكلي بهذيك
انت بس ارتاح ما دامي حبيبك
لا تخـلي همك يأثـر عليك
