العند يجيب الكفر
والذنب اهون م العذر
وفي وقت المحنة اللي بينجدنا ان احنا نزيد في الشكر
دا رضاك بنصيبك فرض
اقبله بالطول والعرض
واهو ادم كان في الجنة وطمعه اللي اتسبب له في طرد
هتحارب مين ما تفوق
يا ابو حق مالكش حقوق
اعرف حجمك يا ضعيف
دا انت مجرد مخلوق
انت اللي غلطت ما تتحمل وكفاية هروب
راجع حساباتك واتأمل مليانة ذنوب
لساك بتعاند مش محرج للعند حدود
تتشال تتحط مافيش مخرج دا طريق مسدود
قلبك مفتون واتجر
من غير ما يكون مضطر
واستحلى غروره لحد ما حاوطه وبقى مش لاقي مفر
ماتجيبش اللوم على حد
مين قال لك روح واتشد
مع إنك عارف اخرك فين مهما الأعمار تتمد
