لا تحسب اني عليك ابكي من الاحزان
لا والله ابكي على نفسى و اعاتبها
صدقت ضحكت سرابك والمقدر كان
وشلون ما الوم انا نفسي و احاسبها
ليتك تقدر جروحي الي رجتك ازمان
و تكرم حشى خافق حس بهلايبها
وليتك تصد بطيوفك م تمر احيان
و تبعد عن دروب عيني م تقربها
ارحل بذكرى الغلا في عالم النسيان
و خل المواجع ف قلبي لا تقلبها
ذابت شموع الوله في خاطر الولهان
و شابت حروف الغلا في يدين كاتبها
ما عاد لي في زمان الشوق و الحرمان
و ما عاد لي في دروب الحب الاعبها
عزيت نفسي عن الي شفت بالسلوان
خليت موج البحر يلطم مراكبها
لا تحسب اني عليك ابكي من الاحزان
لا والله ابكي على نفسى و اعاتبها
