انا مش بريئة وعارفة ان انا مذنبة
بس انتوا برضو كمان ما كنتوش اسوياء
موتوا فيا زمن الحتة الطيبة
ومن البجاحة كمان بتعملوا ابرياء
تستنوا ايه من حد عشتوا طول حياتكم بتوجعوه
من حد كل ما يلقى نفسه تضيعوه
وبتجبروه يغلط وبعدين تلعنوه
يرجع يتوه بتمنعوه من التوبة ليه
تستنوا ايه من حد جرحه ولا دمه ما همكوش
فوق طاقته شال الهم بس ما كفاكوش
وما سبتوهوش يرتاح وليه ما رحمتهوش
ولا سبتوا رحمة ربنا تنزل عليه
مخنوقة ده انا بشحت كمان نفس الهوا
متكتفة وعايشة بين الموت والحياة
حرماني كان زي العيال اللي مالوش دوا
فانا خدت وتعودت على كتر العيا
تستنوا ايه من حد عشتوا طول حياتكم بتوجعوه
من حد كل ما يلقى نفسه تضيعوه
وبتجبروه ويغلط وبعدين تلعنوه
يرجع يتوه بتمنعوه من التوبة ليه
تستنوا ايه من حد جرحه ولا دمه ما همكوش
فوق طاقته شال الهم بس ما كفاكوش
وما سبتوهوش يرتاح وليه ما رحمتهوش
ولا سبتوا رحمة ربنا تنزل عليه
