اتعودت ان انا مابقاش على حد ف يوم واتعلق
واللي يروح بعتبره ماجاش ياما الدنيا دي بتفرق
بايع الدنيا ضاربها طناش والنسيان اصبح مبدأ
قلبي اببيض بس ما بنساش اللي ف يوم بيا استهزأ
مش شاغل بالي ومنفض كارف للي كرف واستعبط
عادي ما كل حاجه بتتعوض مش همسك في البايعين
ضحكتي بقت مسروقه بس ع العادي وملحوقه
حواراتكم بقت محروقه هنروح من بعضنا فين
خايف ابان ان انا زعلان لا يقولوا عليا بمثل
ف انا بعمل ان انا فرحان عشان معاكم اعرف اكمل
قولت اخواتي واديتكو امان وماجاش في بالي اني اتغفل
فجأه لقيتني ان انا غلطان وان انا قلبي بيتبهدل
عن نفسي هصاحب نفسي مانا طول عمري ما بينكو ومنسي
حلوه الوحدة عشان بتقسي فاخترت اني ابقى وحيد
من امتى بتسالو عني غير لما بتحتاجوا حاجه مني
لما وقعت ماحدش شلني كله بيعمل نفسه عبيط
اشبعوا مني انا يمكن اموت وممكن فجأة ما تلاقونيش
ليه بقى بيني وبينكو حدود ده المفروض انا غيركم مليش
نفسي في حد معايا ع الموت واما احتاجه ده ما يسيبنيش
ده انا محطوط بين خلق يهود لما بتقدر ما بتعفيش
عمالة في وشي تضلم كل ما اقول هتروق تتأزم
وماليش غيري في نفسي بكلم ده انا من كل الناس زعلان
في مرايتي واقف متأثر زعلان على عمري ومتحسر
لسه امبارح كنت صغير فجأة كبرت من الأحزان
عادي مجتش عليكي خلاص ابعدي عني وشوفي حالي
ده انا متباع من أقرب ناس يعني ما جتش على فراقك
من امتى قلبك كان حساس من امتى حسيت بحنانك
كنت بحبك بس خلاص انا قلبي شال من افعالك
الناس اللي انا بأمنهم الغدر ما بيجيش غير منهم
حاسس بالغربة وانا ما بينهم والمفروض اقرب ناس
كلها على بعض بتكدب علشان كده دايما بتجنب
من كدبكم ما بقتش استعجب اتعودت عليكو خلاص
عادي يا صاحبي خيانة الناس عمرها يوم ما تموتك
عارف ايه اصعب احساس لما تخونك صحتك
فجأة تحس ان انت خلاص الدنيا عايزة تغفلك وتبص
تلقى اقرب ناس مستنظرينلك وقعتك
انا عمري ما كنت اتصور ان اصحابي معايا تتغير
كله في نفسه صبح بيفكر وانا اللي كنت عبيط مش داري
في الوش بتبقوا حبايبي وف ضهري تطلعوا عين أهلي
ده انتوا ماحدش حبكو قدي كرهتوني فيكم اجباري
