يا شوقي المتمادي
رفـقا علـى لفـوادي
رفـقا على اللي حده
هذا الزمـان ينـادي
ياذا الحسـن والصده
وين الوصل من مـده
وانت الـذي نعده
غـيـث عـلى لبلادي
عـديـت لك من روحي
هب من قصيد وبوحي
ليتـك تعـرف الـنـوحي
ما كـان ريـت سـهادي
يـا غـايـــة الـمـتــولـه
لو غـبـت عـنـه مـن له
ايـشـل لك هـالـشـلـه
عـل وعـسـى يعـتـادي
ما ريـت لي شرواكم
باموت لـو م اهواكم
رمش عـلـى عيـناكم
هيض محيطي الهادي
عـل وعِـسـى تـلفـيـنا
يـا ســيــد الـغـاويـنا
بـسـمتك لى تحـييـنا
تـروي عـروق فـوادي
هـيضـت لك متـهـيض
حتى غـدا بـي فـيــض
ريـض وطـبـعـك ريض
غيـر الحـسـن وقادي
بو قذلة مفـتـوله
زيـنــه حــكـم لـه دوله
خـلا الـعـرب منـشـوله
وتهـيـم فـي كل وادي
خــلك قـريـب وخــلك
روح وجــسـد مـتـمـلك
مـحــد يروم ايــشــلك
يـا صـوعـتـي وقنـادي
