لو بتحلم باللي في إيدي
شوف حياتي بصورة شاملة
بدل الأدوار يا سيدي
بس شيل الشيلة كاملة
خد علاجي معاك ومرضي
لما أعيط وإنت مرضي
قول حياتك لونها وردي
وإنت حالك ياما مال
خد كمان في إيديك عذابي
ليستة فيها أسماء صحابي
اللي كانوا يدقوا بابي
بس قاطعين السؤال
بس قبل ما تشتكيلي
خد دموعي في نص ليلي
غربة هدت ليا حيلي
عمري ضايع في الفراق
بعدي عن أقرب ما ليا
وحدة بتخلص عليا
حس بالقهر اللي فيا
صدري من أحزاني داق
ولا أقولك خد كفاحي
والفشل أضعاف نجاحي
عيش بتحلم وإنت صاحي
تحت تأثير الحنين
خد صداعي وكل خوفي
شوف حياتي وعيش ظروفي
القلق والخوف ضيوفي
جوة قلبي معمرين
آه يا أمي وحشني صوتك
روحي طلعت بعد موتك
بعد حضنك مين باقيلي
أعيش بس إزاي وأفوت
قلبي متقطع عليكي
برجع البيت مش لاقيكي
نفسي أشوفك مرة تاني
ترجعيلي وأبوس إيديكي
لما بتشوفني بعينيك
يبقى ظاهر فرحي ليك
بإبتسامة ولبس شيك
بس من جوايا ضلمة
تبقى رأسي على المخدة
والهموم على قلبي شادة
حيلها ياما بقالها مدة
والحياة ويايا ظالمة
أيوا راضي بتقل شيلتي
مهما بيا يا دنيا ميلتي
نفسي مرة تعدي ليلتي
وأبقى من الأوجاع سليم
خد مرارة فقد غالي
حزني أضعاف إحتمالي
حس بالأوجاع بدالي
وإفتكر جرحي القديم
لو بتحلم باللي في إيدي
شوف حياتي بصورة شاملة
بدل الأدوار يا سيدي
بس شيل الشيلة كاملة
