الدنيا في كوم يا سيدي
وانت لوحدك في كوم
انا كل يوم بحبك
زيادة عن اللزوم
غصبا عنهم يا باشا
عمي وعم العموم
لو روحت ايطاليا جايلك
لو حتى هاخدها عوم
كله يلبس قماش
وانت تلبس حرير
كله يشرب في مية
وانت تشرب عصير
بلوك لكله عادي
واعملك انت شير
كله في عنيا يصغر
وانت تفضل كبير
ياللي جمالك أوربي
يا أحلى مالغزال
يا ساكن جوه قلبي
هنا في الحتة الشمال
بعشق أمك وربي
ومعاك على أي حال
ياللي الحلوين بسببك
مشيوا ولموا العزال
يا بسكوتة حياتي
يا نوتيلا مكسرات
واخد اوسكار في قلبي
يا مصنع حلويات
جمدانك مش طبيعي
دا انت مالممنوعات
انا شوفتك قلبي قاللي
هنردم عاللي فات
يا براند في الشياكة
يا حلو يا سمبتيك
ايوة بحبك لوحدك
يا اصلي وكله فيك
مليون شكرا لماما
عالانتاج النضيف
تشكيلة في الحلاوة
والدم كمان خفيف
العود اتصب صبة
ماللي تجيب ارتجاج
انا بيك عيان يا سيدي
ورافض العلاج
انا شوفت كتير وياما
وانت دخلت المزاج
هرفع بوست في جمالك
واعملك احلى تاج
