كوز المحبة اتخرم
طرطش على كمى حبيبى
كفاية جفا وارحم عذاب امى
طلعت فوق السطوح
هز الهوا كمى كل البنات
اتجوزت وأنا قاعدة عند امى
كوز المحبة اتخرم اديله بنطة
لحام كل البنات لها مزز
وأنا لية ضكر حمام
يا حبيبى بهواك دمسنى
وبضهر الشوكة افعصنى
لا تظن كل من تأمل فيك
مغرم بيك مش يمكن
مسروق شبشبه وشاكك فِيك
حبك بطحنى على الحشيش
ومن غيرك مقدرش أعيش
أنا وأنت جوز جزم
وفردة واحدة متمشيش
يا حالقلى رد عليا ازيك
سلامات يرحم أيام
الملاغية والرن والمعاكسات
يا جارحنى برمشك
على سهوه دوبلى
صباعك في القهوة
حب البت وراح يدفع
مهرها الناس شأفته
قالت يالهوى دا عربية
وراجعاه بضهرها
يا ملَقح جوة في قلبى
وأنا قلبى مش متِين
من حبك جانى
سكر ادينى انسولين
الهس بس هس حبيبى
لازم يحس حبيبى عمال
بيتخن وأنا عمال أخس
يا جارحنى بلقمة ناشفة
والعيش عندك طرى
تقلان عليا لية
ما تحن يا مفترى
بابا بيقول عليك دائما
متكهرب وما تسواش بريزة
ياللى وريت الفؤاد أيام اليمة
أنت والفؤاد عالجزمه القديمة
كان بينا شوق ومحبة رحت
لويت بوزك ياخى يحرق
المحبة ويحرق اللى يعوزك
حبيبى نائم في العسل
وعامل في المنام زيطة
نام يا حبيبى وانسجم
نامت عليك حيطة
