بوصلة شاكك في اتجاهها
دوامات في البحر جايا
واللي بيطمنلي قلبي
في السفر صورتك معايا
توهة والمشهد ضبابي
كل مادا الليل يليل
يمكن الحيلة قليلة
بس أملي مش قليل
رايحة بينا فين يا رحلة
وفين هترسي يا سفنية
كل مادا الموج بيعلى
وامتى نوصل المدينة
بكره مش مضمون وأصلا
إنهارده حيرة أكتر
هو قلقي من نصيبي
عمره قدم ولا أخر
دفة المركب يا دايرة
كعبي طول العمر داير
عدى عمري كعب داير
أه يا قبطان روحه حايرة
رحلة بس ما ليها آخر
رايحة بينا فين يا رحلة
وفين هترسي يا سفنية
كل مادا الموج بيعلى
وامتى نوصل المدينة
وصليني يا موجة عايش
فعلا المجهول يخوف
قلبي أه من بكره كاشش
بس بيحاول يقدف
الغريق كان تحت رجلي
شفت ياما ناس بتغرق
لو يوميها حد حاول
جايز المكتوب هيفرق
