دوري دار بقيت ف نار بقيت انادي وانتو تصدوني
نص طار مع الورق ونص طار ويا اللي باعوني
قولت هاتوا من اللي ليا
ولا قولت دلوقتي راضوني
شوفو عندي فين مكانكوا
وانتو فين بقيتوا تحطوني
خاني رد لما قولت مرة واحدة ان انتو صفيتوا
فيا ود كان بجد واللي فيكوا غل لبعضيكوا
بعتوا حد كان أسد ولما عوزت غميتوا عينيكوا
قولت وقت اجي اسد سيبتوا فجأة ورفعتوا ايديكوا
تمام خلص الكلام
تمام انا للأمام
تمام جيت كله ينام
يلا كله مع السلام
تمام الفرق بان
تمام ده وجودكوا كان
تمام لا مش تمام يلا كله مع السلام
منكوا ضربة جايه خبطة ولا لقطة بقي فاكرينهالي
ريحة الخيانة طالعة والمصيبة منكم جيالي
حبي فيكوا كان ده ليكوا بس حبكوا ماكنش بتاعي
كتفي سور سند ضهور ولما حوست ف انا بوست دراعي
ليه نداري مانا قارية اللي جاري وانتو اتحطيتوا
علي مبادئى اصلي غالية وانتو روحتوا للرخص جريتوا
مش ف بالي حد فيكو وانتو بالكوا ليه بس معايا
جدعنتنا مش ف بيتكو انتو عكسي غيري اتربيتوا
تمام خلص الكلام
تمام انا للأمام
تمام جيت كله ينام يلا كله مع السلام
تمام الفرق بان
تمام ده وجودكوا كان
تمام لا مش تمام يلا كله مع السلام
