ياللي خدتوا خيري كله حتى دمي مصتوه
ربنا يوعدكم بناس حق منكم يخلصوه
مش مسامح في اللي ليا بدعي بدل الدعوة مية
اي حد استحلى جرحي يرزقه بناس تجرحو
بإيديا ناركوا مسكتها ورضيت اذاها ولسعها
ضحيت عشانكو ومين اللي قدر اي حاجة عملتها
كنت ماشي في خير افرق على ناس مابتنجيش تغرق
قلة الاصل في حياتهم من زمان منهج ومبدأ
استكتروا عليا يشيلوني في نن عينهم ويصونوني
وعشان ماكنتش عضمة ناشفة طمعوا فيا وقرقشوني
انتوا شر لابد بتره ينكشف للكل ستره
تدفعوا فاتورة خداعكوا وقلبي ده اللي كسرتوا خاطره
واقعد اتفرج عليكو والزمن بيذل فيكو
ربنا مرجعلي حقي وقد نيتكوا يجازيكو
