هبعد عن الاحباب ولوحدي متهني
ملعون ابو الصحاب اللي تزعلني
سبوني في اللي انا فيه ايه تاني هابكي عليه
يوم فرحي جالي مرة ماشفت يوم بعديه
فيضاني جوا القلب ولمين يارب اشكي
عايش حياتي في غلب ليلي ونهاري ابكي
دي مشاعري مش ب بزار عشان ادوس واختار
اعيش حياتي ازاي مابين بشر كفار
ايه اللي هايجري او شيلتو عينكم عني
انا رزقي بالفتره فكه الحسد مني
الحظ مش لاعب شفت وياه متاعب
انا زهري مش بيكسب بالعكس كله مصايب
انا صبري فاض بيا مابقتش بتحمل
بعمل اللي عليا ومسيرها تتعدل
استرها يامولاي وانصرني في اللي جاي
ده اللي يوماتي بشوفه والله مالهوش زاي
طريقي متقفل ومليش طريق تاني
ليه بس بتغفل والحيره شداني
ده انا عشت وحدي بعافر والفرح سابني وسافر
وحالف انو مايرجع قالي لو عزتني هاجر
الحلق مش سهله ومفيش فيهم سالكين
دول اكلو بعض في وهلة في الغدر محترفين
احساس مفيش احساس مفيش ضمير في الناس
الكل سابني وراج جاري لما اعلنت الافلاس
شفت اللي كنت معاها بقلبي مش بالمال
ده شيطانها راسها وداها سكه شمال
حبك في قلبي مات وانا نسي اللي فات
وناسي انك بعتي وروحتي للكاشت
ربيتو فيا الشر وبقيت كائن غدار
حالتي في مقاسي تشر ليه صبتولي مرار
خليتو حزني يدوم مبقتش اشوف النوم
ولا حتي مهتم بنفسي هجيب عليكو اللوم
سبتني يابا ومشيت في الدنيا اعافر وحدي
صبرك وها تلاقيني جيت بعدك الناس ضدي
كانت السند ليا بعدك مليش دية
يارب خد من روحي وابعتها له هدية
