انا بعتذر لنفسي اوي ما انا جيت عليها كتير
ظلمتها وحبستها تعبت من التدمير
بزعل بطلع زعلي فيا واتعبني واذيني
وجودي مع نفسي لوحدي اصبح بجد خطير
عشمي مكانش عمره في محله ف تعبت م الصدمات
بحرق سيجاره ف ديل سيجاره واعيش ف جلد الذات
ولا كلمه حلوه ولا اي حاجه ممكن تهديني
اصبحت عداوني وكاره للبشر بالذات
في عيني دموع يقولوا مالك وبرفض ارد
وارد ازاي واوجاعي بجد تخض
براهن نفسي اني اقدر لكن كداب
وباب الفرح من صغري ف وشي اترد
كتر الخلاف بينك وبيني يا قلبي مش مفهوم
ارضيك عشان وجعك ينام وأسهر مع الهموم
من يوم ورايح مش هسامح ولا هعديها
لو حتي كنت انت الضحية يا قلبي مش مصدوم
شرايين في جسمي بيجري فيها بحور الم ودموع
من نفسي جايز بنتقم وبقول مفيش موضوع
انا بعترف انسان غريب من جوه مدمر
بس السؤال مين السبب والرد كان ممنوع
في عيني دموع يقولوا مالك وبرفض ارد
وارد ازاي واوجاعي بجد تخض
براهن نفسي اني اقدر لكن كداب
وباب الفرح من صغري ف وشي اترد
