حان الوداع وحل طاريه
وانا الفراق اخاف واخشاه
انا الحزين الي تواسيه
هموم قلبه طول دنياه
الهم لو حاولت اخبيه
تفضحني العبرات و الاه
الحزن بانت بي مواريه
تخنقني العبره بذكراه
تبقى لي الذكرى بماضيه
الله يا وقت مضيناه
ياما بعيني كنت اراعيه
وضحيت لاجل ارضيه وارعاه
كنت اقهر ظروفي واداريه
و اليوم من يهتم يدراه
ما اقول غير الله يهديه
لولاه ما عانيت لولاه
وش باقي اسوي واسويه
رغم الي صلح بي و سواه
المشكله ماني بناسيه
والقلب مايمديه ينساه
