تقهرني من تحلف تحبني وابد متحب ثاني
وهو انت اول من خذلني وباعني وخلانـــي
من الوعود اشنفذت
بكلهن انت چذبت
بس شفت غيري رحت بعت
ومن كل عقلي كاعد چنت اتانيك
مدري شچنت شايف شي حلو بيك
ما چنت اعرف اليمك امنسيك
والصراحه
چنت اعرف
بس چنت منتظر بلكي تخاف ربك
ماتعذب
شخص حبك
رغم اعرف بالسواد المالي كلبك
لتكلي ضحيت بغرامي وماقصدت اجروحي
حبي الك خلاني اندم واستحي من روحي
عيشت كلبي بالوجع
كله چذب حبك طلــع
ولمن لعب بيك الطمع بعت
ردت بس ابقى يمك خاطرر ارتاح
وكلت ما احچي بلي عده والراح
انام ابچي بقهر واصحى على اجرراح
مات كلبي
والمشاعر
صارت اتجيب المغثه مو الراحه
وصار لازم
انسى حبك
اني جيتك للفرح مووو للمناحه
ما راح اسمعك كلمه اني راح اعوف السالفه
بس صعبه يجرحني شخص وابوسه من شفايفه
لقلوب لمن تنكسر
اغلى الحبايب ينخسر
جازيتني انت بغدر بعت
ولو ستين مره انتهي بلياك
تبقى مستحيله الرجعه وياك
كلبي الطيب اني اجبره ينساك
وما يفكر
بيك مره
وما يرجعني على نفس المذله
اني عندي
الموت ارحم
ولا راسي ابحبك ابفد يوم انزله
