كان فيه صورة ليكي بالورد ببص عليها وأنا مخنوق
جنب الطرابيزة ركنك لسة محركتوش
تالت سنة لينا مش مع بعض وسادس شهر ما نتكلمش
وأنا لسة في المكان بالظبط ما بتحركش ما بتحسنش
وبلاقي الفيلم
كنا بنقول كلااام
لو شارب البحر دماغي شغالة
اترمي في الحضن اترمي في زبالة
أنا ما بدققش انا عايز الحاجة
انا عايز انساها
أنا في متاهة
كلم دكتور
قول للدكتور
أنا مش بنسى ليه
قوله عالخوف
قوله عالرغبة
في مغادرة الكون
والهوس بالموت
وبصحى من النوم
كنا بنقول كلام
كنا بنقول كلام وخلااص
كان فيه صورة ليكي بالورد ببص عليها وانا مخنوق
جنب الطرابيزة ركنك لسة محركتوش
كدا تالت سنة لينا مش مع بعض تامن شهر ما نتكلمش
وأنا لسة في نفس المكان بالظبط ما بتحركش ما بتحسنش
وضاعت الصورة ومات الورد
وكتر البعد
وقل الود
وكتر الشك
وبقى مش وقته
وكتر الموج وبقى بيشد
وبطل الفيلم
والبطل الوحش عمل البطلة وخلص الفيلم
نزل التتر
بس ما بجمعش
لأني الوحيد اللي لسة مفهمش
لأني ما بمثلش
