ماحب صمتك يطول احب صوتك وابيه
لو تنقضي سالفه الصمت ماقد قضى
ياكثر ما اقول ليه وكثر ماعرف ليه
وياكثر مارحت افكر فيك واسبح فضا
بيني وبينك علاقتنا وما تحتويه
تبرد الي من اول مثل جمرة غضى
بالله شوفي لنا اي شي نزعل عليه
بين المحبين والله ما يطول الرضى
منك العتب فاقده واضماه ولاارتويه
سحابة مرت ولا أحد بماها حضى
حنا ماكنا كذا والبعد ما نشتهيه
واليوم ياشرهة الي جاي للي مضى
كني من يدور الحاجه وهي في يديه
ومن الحياء النّاس مادلوّه لين انقضى
بين السكك والمسافات وزحام الوجيه
يتلاحق العمر والايام برق نضى
شفتي غياب الشعور شلون خلاك فيه
شفتي ربيعه وهو نار تواقد لضى
مايشعر بجيتك مهما رجعتي إليه
ماله سبب غير شي في ضميره فضى
انا من الوقت عانيت الشقاء كل ابيه
ناسٍ تجي دون غايتها وناس إحظظى
كانك تبريتي من الحب والي يليه
قوليلي شلون ابهدى والليال إحرضى
ياليتها صدة الي مزعلينه ذويه
لاكنها صدة العايف وحكم القضا
