خل مايعنيك وإخذ اللي تباه
دامك انته شف نفسي وطلبي
قلبي لقلبك خضع يتبع رضاه
له صحابي بالبيان وبالغبي
ولي عذلني منك يطبخ له حصاه
نيله من العذل بك ياصاحبي
صار قلبي ارض وانته له سماه
والمحبه سحب بارضه تسكبي
واعتبرني ملك لك في ماتراه
وقف وامر واناجيك أحبي
تقدر بزينك وحسنك والبهاه
ورقتك تقدر ترجعني صبي
من عيونك يرتوي شوفي ظماه
ومن خدودك له يطيب المشربي
لي تثنا عطف ياغصن الجناه
ونسني قسوة زماني وتعبي
و اعط من يهواك كلما هواه
وانت لي ذوقك يناسب منسبي
المشاعر زرع روحي وانت ماه
وانت بي ياشوق تفعل ماتبي
