قررت اعمل بث مباشر
لحياتى اللى انتو مراقبينها
واعرضلكو لقطات من وجعى
مع حبه تفاصيل عايزنها
هفتح قلبى خشو وشوفو
شاركو جراحو وعيشو ظروفو
خليكو واياكو تملو
وسط مواجعى عايزكو تطوفو
عايز بقا لايكات وقلوب
واكتبو كومنتات تواسينى
واتفاعلو وحسو اللى انا حاسه
واعملو بحث لدمعه عينى
احكو عني
بعد ماتشوفو اللي فيا
فسروني
واوعو تنسو
تبقو للجيل اللي طالع
تشرحروني
عايز بقا كم مشاركات
يمكن الاقى حلول لمشاكلى
وابقى اشهر واحد متعذب
والناس كلها تعرف شكلى
واياكو تنسو تعملو تاج
عايز كل الناس تتفرج
عايز كل الناس تتفاعل
مع واحد ميت بيهرج
