مقسوم نصين
من يوم فراقنا بقيت عايش حياة بوشين
مقسوم نصين
لو حد شافني عرفني هقول عرفني منين
وشي الحزين
انا خليته ليا وضحكت للباقيين
بنساه يومين و اشتاق يومين
شخصيتين
الاولي عارفة اكيدة ان الفراق محتوم
و التانية ليه عشمانه فيه عشم بزيادة عن اللزوم
عاشق سراب
داخل متاهة يا خساره
ملهاش باب
اه م الغياب
توهة وعذاب
كفايه وعود
ياما قلتهالي
والنهارده مش موجود
تاني في حياتي
حد في يوم اذاني
رده برود
هنسي انك يوم كنت في حياتي
هنا في يوم من الأيام
مهما اتوه
وسط الوشوش والناس
هلاقي روحي تاني في يوم
و خلاص عرفت ان مفيش
في الدنيا شئ بيدوم
قدري ونصيبي اقولك
انت و الماضي كفايه سلام
مرة اختفيت
عشان اعرف غلاوتي في قلبه هتكون ايه
بس اتأذيت
لما اتفاجئت بأنه
مقالش غايب ليه
وش الملاك
كان في البدايه قصادي فعلا وش جميل
ياخساره كان
حب امتلاك
خلوا النفوس
في الحب سالكة وصافيه وكل شئ متشاف
اول دروس
الحب لازم ناسه
يبقوا شئ شفاف
ميهمنيش
ملعون بجد الحب لو كله تمثيل
علشان مفيش
ميت يعيش
