ثابت يا بلدي بحمي ارضي ولا الاسود
صادق في وعدي جبل وواقف عالحدود
شايل في قلبي علمك رافع تملي رايتك
وان حد فكر يجي جنبك مصيره موت
وعد الحر دين عليه واوعدك لو حد مسك
والله في سماه لنشيله من على وش ارضك
تعظيم سلام وتحية للي بيحمي عرضك
واللي يضحي بروحه لاجل كرمك
واللي في وش عدو واقف بيحمي اهلك
شايلك يا بلدي في قلبي مهما طال الزمان
على كفي روحي تروح فداكي مهما كان
ويمين الله وشرفي لابني فيكي واعلي
وهتبقي اد الدنيا دية واهو دة الاوان
