مشاوير الحياة ودورة افلاك الفضا والوقت
خذت مني وعطتني مايونسني ويبكيني
وانا اللي لاانشحن صدري ومن جو المدينه ضقت
عزلت النفس في جو خلا واحفيت رجليني
ورحت لعالي القمه وفيها يازمان اعتقت
دموعً قيدتها نظرة الشامت وسط عيني
وقامت تطرق انسام الهبايب مسمعي وطبقت
جفن عيني وذاكرتي ترجع ماضي سنيني
سقاك الله ياعمر قضيته وانقضى مافقت
ياكوذ الا على صوت من أعماقي يصحيني
يقول ان الزمن فاتك وهز الراس ماعلقت
وفي نفسي خواطر ماضي الذكرى تكفيني
زماني يازمان الطيببين اللي عليه اشفقت
بعيش بذكرك الطيب مدام اته ينسيني
