ملاحظاتك على كلامى كتير جدا بتعجبنى
خصوصا لما بالمنطق تقولى كلام ويغلبنى
ساعات فعلا بكون محرج وإن ينسب ده منسوبلك
لكن فعلا بكون فرحان وبدعى العقل ده يدوملك
جدير بالذكر تحيه وشكر لوقفة حضرتك جنبي
يابنتي البكر ياشاغله الفكر وسانداني انا وقلبي
يا فاهماني وعارفاني وحضنك بيتي ومكاني
صبرت ونولت وياما تعبت وجيتي هديه من ربي
انا دايما فخور بيكي وبطريقتك واسلوبك
وبعشق كل ما فيكي ومعجب حتي بعيوبك
وكل الفضل يرجعلك في خطواتي ونجاحاتي
لكي مني جزيل الشكر بجد فرقتي فى حياتي
