كل عام وانتي العيد يامبسم العيد
يا اخت القمر من يشبهك في غلاتك
مريم خذيتي الزين من باقي الغيد
مهما كبرتي تزيد دايم حلاتك
عليك شي من الحسن دايم يزيد
باين على خدودك وتحرس شفاتك
غمازتينك من حلاهم شواهيد
سبحان من كمل وجمل صفاتك
سماح تفخر فيك يا بنت الاجاويد
لو تطلبيها الروح بتقول جاتك
بينك وبين القلب وصل ومواعيد
واحلى الاغاني كنها اغنياتك
برفع يدي وادعي من القلب واعيد
ربي عسى يحقق جميع امنياتك
كل عام وانتي بخير يامبسم العيد
ويالله عسى الفرحه تدوم بحياتك
