فهمت الدنيا متأخر
چنت بروحي ما افكر
شقد ندمان عالأيام
بس الندم شيغير
تعبت الهم تعب ما صار
لخاطرهم چنت أسهر
تالي باخر المشوار
قالوا مو وفي وقصر
بعداوة الحب كله اندار
وكل شي بثانية تغير
انا من يومها وعرفت
بس الطيب اليخسر
عالم ماكو عدها احساس
اضحكها وتبچيني
على روحي چنت ما حاس
كافي طيبه يا عيني
بعد كافي أداري الناس
أحير بروحي خليني
فهمت الدنيا من تالي
ولقيت الغالي مو غالي
طار وعلا بجناحي
وبقيت لوحدي بالتالي
بس الله كريم تهون
ما يضل شي على وضعه
يندار الزمان والكون
مصير الماخذة يرجعه
اني من الزمن ممنون
كشف لي اللي ما متوقعه
وعد لي بدمعتي يفرحون
أرد الدمعة بالدمعة
عالم ماكو عدها احساس
اضحكها وتبچيني
على روحي چنت ما حاس
كافي طيبه يا عيني
بعد كافي أداري الناس
أحير بروحي خليني
