حاسس بغزة ف قلبي
سكاكين تقطع فيا
دموعي نازله علي خدي
مكفايه بقا يعينيا
عمال بداري ف اوجاعي
ولا حد حاسس بيا
فيه دوشه دايما ف دماغي
انا الحمل تقيل عليا
كل ما ابص ف المرايه
بلقي واحد واقف معايا
شكله ياناس غريب عن عينيا
انا محتاج مكان لوحدي
مش محتاج لحد جنبي
اخد هدنه م البشر وم الدنيا
مبقتش بدي امان
ولا حتي ثقه ل مخلوق
بقيت بشم ريحة الخيانه
قبل حتي مدوق
فرحت كل الناس
ولا حد يوم فرحني
وان يوم ايد اتمدتلي
تتمد علشان تدبحني
اللي انا قلت كله الا دا
اكتر حد جابلي الاذي
واه م الصدمه لما تيجي من القريب
كلها ماشيه يلا نفسي
غلطه مخدتش انا حرصي
لما وقعت ملقتش جنبي يناس حبيب
ياللي انتو باصين لحياتي
وفاكرني بغزي العين
متيجوا وتجربوا عيشتي
لو حتي بس يومين
ميغركوش ان انا بضحك
دنا اللي بداري وبخبي
لو شوفتوا اي جوايا
هتعملو حداد علي قلبي
روحوا قولو للي بيكرهني
مش فارقه عندي كتير
لا حبك كان مزودني
ولا شوفت منك خير
قلبي اللي كان متلصم
خلصتوا بدري عليه
من كتر متكسر اتحطم
ملقاش علاج يداويه
اللي راهنت يوم عليهم
دول خذلوني الله يجازيهم
عضوا الايد اللي شالتهم ياما لسنين
دا الكسبان معاكو خسران
والمتغطي بيكو عريان
واللي يشوف منكو سلكان
يعتبروا كمين
