لعين ترمش في هنا من نوده
واليوم هذا ما هو بيوم عادي
الحمد للي عزنا فيك حمده
والحمد لله دام أمي بلادي
حمده ويتعب كل طيب نعده
حمده ويتعب بالثنا العز بادي
يدعيك من له تالي الليل سجده
ويطريك صبح سيله بكل وادي
يا أم الرجال اللي تضد الأشده
وأخت الشيوخ اللي لها المجد حادي
هي شيخة الحكمة وتاجه وسده
واسم ينومس من غلاه المنادي
وهي بلسم اللي مالي الدمع خده
وهي شيخة الشيخات علم وكادي
الله لنا يحفظك أم و جده
حمده ذرا نهيانها والبلادي
