بقالي كام يوم
حياتي عباره عن صدمات
بنام وبقوم
ف خنقه ولغبطه وحوارات
وطول الوقت
بحاول امثل اني بخير
بجد تعبت
ومفرحتش بقالي كتير
انا مسحول ف دوامه
هموم وضغوط وجع ياما
ونفسييتي تعبانه
وطول الوقت انا مخنوق
خلاص فاض بيا مش قادر
بعاند نفسي وبحاول
وعلي ايامي بتحايل
واقول يمكن معايا تروق
نسيت النوم
يوماتي اسهر مع جراحي
وطول اليوم
بشوف كوابيس وانا صاحي
انا محطوط
وشايل شيله مش شيلتي
وليه مخضوض
ودايما احس ب نهايتي
حياتي ف وشي بتقفل
خلاص مش قادر اتحمل
وكل ما اقول هتتعدل
تبوظ اكتر وتتأزم
بحاول اداري اوجاعي
وليه هحكي مفيش داعي
محدش حس بضياعي
عشان جوايا انا بكتم
خسرتيني
دنا اللي خسرت كلو لأجلك
وسبتيني
ف عز ما كنت محتاجلك
كسرتيني
وقلبك عادي مستبيع
وحشتيني
لكن مبقاش نافع نرجع
بطلت احب ولا اتعشم
وبخبي جوايا وبكتم
محتاج افضض واتكلم
لكن بخاف لا تعايروني
بكلم نفسي واحكيلي
منا عارف اني مليش غيري
مبقاش خلاص حد باقيلي
وحبايبي بعدو ونسيوني
انا اتخميت
ف كل اللي كانو حواليا
منا استغبيت
وكنت فاكر ولائهم ليا
خلاص حرمت
احب او ادي حد امان
دنا اتدمرت
من اللي حسبتهم جدعان
هعيشها لحالي اجدعلي
بناقص منكو عادي يعني
محدش همو يوم زعلي
كأني مابينكو مش موجود
انا ف الدنيا متدبس
وكل ما افوق ف حيط بلبس
ليه كلو معايا انا مركز
ليه فاكرين ان انا مبسوط
انا استكفيت
من الهم اللي عايش فيه
خلاص مليت
دنا اللي بنام في بصحا عليه
مسيرها تروق
دي كدبه بواسي نفسي انا بيها
انا مخنوق
وبالعافيه حياتي بقضيها
