الي جميع اخصامي انظرو مين عاد
جالكم من تاني الجلاد
اجهزو علشان ايامكو سواد
رجع اللي بيكربج
مش اخدتو نفسكو شويه خلاص
رجع اللي بيكتم ع الانفاس
مختفي بس متابع الاحداث
قاعد وبتفرج
ثقه ف الله
محسوبكو رجله شيلاه
انا واحد مش فارقه معاه
ف متنكشونيش
الله يعينو
خصمي اللي خد علي عينو
اجبرني ان انا اهينو
مستحملنيش
بص يا وحش انا مش بعرف اطير
بس اخطر من اي خطير
لو ع الاكشن و التخطير
هتشوف واحد مجرم
اسأل قبل ماتتورط ياه
خد فكره عن العبد لله
متجيش مع حد دماغو تعباه
تلشاني لما اهجم
بص يا خصم
بالقلب مش بالجسم
انا هدخل فيك القسم
تلشاني انا نو
لو كترت
همسح بيك الاسفلت
انا جيت ف شارعكو سألت
قالو دا معتوه
لو اتطربقت السما ع الارض
انا وزميلي مش هنسيب بعض
حطينا ع اللي قصادنا اتحط
وعمرنا ما بنخاف
اجدع من اخويا ف الدنيا مفيش
لو اموت من اجلو ميفرقليش
علشان ف الشده مبيسبنيش
صاحبي رجوله وشواف
اشكال ديرتي
كانو شمتانين ف مصيبتي
تسلم شدتي كشفتلي
ان انتو كلاب
مش قولتلكو
هرجع تاني واغفلكو
ع البركه ديني فوقتلكو
هنصفي حساب
انا بخير بس انتو تخفو العين
كاتم علي نفس الحاقدين
هفضل بعبعكو يا كارفين
طول منا ع الساحه
بيتمنو غيابي عشان حراق
منا بركنهم ب اقل اداء
اجهزو علشان المرعب فاق
هتعانو بصراحه
هلث ف هلث
واخركو تلقيح بس
مبشوفلكوش غير جس
ومفيش تنفيذ
اشكال طفش
م الكيميا نازلين هرش
صحبتكو متشرفش
يا شويه سيس
عيني عليك ياللي انا سيطي معديك
هتموت مني منا مغطيك
لو يوم صدفه جمعتني بيك
صدقني مش احلك
عامل فيها طرزان بتطير ع الحيط
واما سألت قالولي عبيط
ليه بتعمل نفسك عفريت
اعقل وداري خيبتك
