شهري و قلبي يحبك حيل ي فلانه
وش عاد تبغين بالدنيا و من فيها
ان كانها بالسطر ف الروس مليانه
فعل ابن دهمان ف الاتراك يرويها
سرى على سرجها والموت ميدانه
قام ايتمثنا مناكبها ويغزيها
سيفً يسله يشيل الراس وركانه
ولاحط شلفاه كبد عداه يفريها
ايوالله افخر وعز البيت سيسانه
والناس تفخر بفعل شال اساميها
والحب ماهو بعيب اليا انحفظ شانه
يركض لقلب النشاما لين يبريها
محفوظ قدرك بقلبي وانت شريانه
لحل طاريك حتى الكبد يضميها
انته بجوف الصدر وعز سكانه
ياكثر ماسلهمت عيني بطاريها
اثر الهوى يوصل الرجال لجنانه
ويلاعب النفس لين يبين خافيها
ذعذع نسيم الغرام ولاعب اغصانه
وضلوع صدري يثنيها ويطويها
