كل حدا بيسمع يللي بدو يسمعه
بيقشع غلط غيره وغلطه ما بيقشعه
كتير منحكم ع الناس من برا
وما منعرف عنها شي بالمرة
او عالشكل او من تصرف بلحظة ضعف
كل مين بحاله
و كل نفس بحالها حرة
ومنزعل اذا شي حدا مرة
قال عنا كلمة ما بتعجبنا
ما منتقبل الا الاشيا ال بتناسبنا
ومنغفر غلط عملنا نحنا
وما مننطر حدا تا يسامحنا
وما منقبل او نتحمل مين يعاتبنا
كل حدا منا عنده قوة وعنده ضعف
بيتحكم فينا لما يحكمنا شي ظرف
منفكر انه بالنظر منعرف
ومنحلل ومنزيد ومنألف
منحكي و ما منفكر شو منسبب أذى
منحكم بالظلم والظلم بيخوف
