خبـر فززنــي من النوم
لمــن كالــوا امسافــر
ابشرك ميـت من اليـوم
لأن ماطول البـاچـر
بقيت بچي بچي المهموم
بچـي المكسور ألة خاطر
صافــن منقهـر مصـدوم
بدونــك ضايـع وحايــر
عفتنـي والشماتـة تلـوم
شحچيلك علـى الصايـر
مثل بالح ــرب مهـــزوم
يصعب حالي ع الكـــافـر
امنتـك تجينــي اليـــووم
انـا بليــاك مــو كـــادر
عفتنـي بلا وداع شلــون
ارجـع فـدوة ودعنــي
ارجـع سكــت اليحجـون
جـرح الفـركـة يوجعنـي
يعنـي ادموعي هيج تهـون
وانت لـوحـدي عايفنــي
لا ميهمنـي كــــل الكــون
تبقـى لـوحدك تهمنــــي
اقـرب نـاسـي اليســألــون
كـالــوا انـت متحبنــــي
وامــوت بحبــك يعــرفون
لــــو بيــدك تمـــوتنـــي
مــا تــرجعــلـٰي يتمنــــون
لأن بـس انت عـــاجبنــٰي
