في باب الجامع لواتني في منديل
حليت عيني ودموعي كتسيل
سْمحت فيَ ومشات تجري بعيد
خدات معها آحلامي وأنا باقي صغير
عندي لك سؤال وباغي له تفسير
واش الظروف لي خلاتك هكذا ديري
فكرتي غير في راسك وجيتك حمل تقيل
شنو ذنبي أنا راه غير ملاك صغير
وخرجت للزنقة وبقيت فيها كندور
واجهت الدنيا وعمري ما رجعت للور
عشت حياتي محكور عرفت الظلمة من النور
هزيت راسي براسي وأنا في عمري تسعة شهور
سمعيني ماما ديالي جاوبيني ديما في بالي
ديما معايا واخا بعيدة
كنشد عيني وكنتخايل دار وأسرة ومعي ماما ديالي
لكاع لي جاو لذنيا ولقاوها بلا كلور
لونها كيف بغيتي سامح وقول هانيا وماشي نتا لي خطيتي
لكاع لي ضاقو المرار فحالي
لكاع لي خلاتو مويمتو
تيق في راسك وفي الرب العالي
هو لي عالم بنا وحدو
لكاع لي ضاقو المرار فحالي
لكاع لي باه عمرو عنقو
عيشو الحياة peace and love
كنت صغير وكلامي غير ذموع
وكنشوف فيك وانت غاديا تروحي
وخايف وباغي ناكل في الجوع
وجاني البرد وقريب تطلع روحي
لو كنت تشوفي السنين لي فاتو شحال كنعاني
لو كنت تشوفي النهار اللول شوفي في عيني
ضحك عليك كلالك عقلك وأنا مالي
وسيدي ربي اشنو ذنبي في شيصرالي
الناس فرحانة وأنا كنشوف غير من بعيد
في قلبي شاعلة نار تكوي في وباقا تزيد
قلبي ولا حديد أكتر نهار العيد
واقع كيعذبني ملي كنشوف راسي وحيد
وهادشي كله سبابو راكم عارفين شكون
قالو فيها الشعراء أعظم ما في الكون
ماما ، راني بسبابك قاسيت بزاف
وخا هيداك عمرك علي تهون
لكاع لي جاو لذنيا ولقاوها بلا كلور
لونها كيف بغيتي سامح وقول هانيا وماشي نتا لي خطيتي
لكاع لي ضاقو المرار فحالي
لكاع لي خلاتو مويمتو
تيق في راسك وفي الرّب العالي
هو لي عالم بنا وحدو
لكاع لي ضاقو المرار فحالي
لكاع لي باه عمرو عنقو
عيشو الحياة peace and love
أنا لي والديا اغتصبوا احلامي
وحكموا علي نعيش حياتي محروم
أنا الطفولة لي قتلتوها قدامي
خرجتو برائة وبقيت أنا متهوم
في هذه الرسالة نبلغ لكم سلامي
بابا ماما ماجيتش باش نلوم
كل نهار أنا كنشوفكم في منامي
لكاع لي ضاقو المرار فحالي
لكاع لي خلاتو مويمتو
تيق في راسك وفي الرّب العالي
هو لي عالم بنا وحدو
لكاع لي ضاقو المرار فحالي
لكاع لي باه عمرو عنقو
عيشو الحياة peace and love
