جننت قلبي بحب يلوي ذراعي
لاهو بتايب ولا عبر تجاريبه
امر الله اقوى احبك والعقل واعي
ما جاب راسي سوى عشقك وتعذيبه
سلمت أمري وتفكيري مع اوجاعي
وحبيت ذاتك بإحسانه وعذاريبه
ما كنت ناوي وما للحب اي داعي
اذا الله راضي يسوق الخير ويجيبه
شد انتباهي غرام غير اطباعي
حرك شعوري واحس ربي بلاني به
وبكل هداوه لقيت القلب ملتاعي
كان اهتمامي تكون اول مكاسيبه
تبغى الصراحه يا روحي زانت اوضاعي
ياللي لوحدك معاه ارتاح وودي به
صار بحياتي وجودك اكبر اطماعي
يا نبض قلبي ويا اغلى مطاليبه
