إسكت ماتتكلمش ولا تشكى ولا تبكى ولا تحكى
ومهما تعبت من جرحك ماتتألمش ...... يا قلبي
احنا خدنا خلاص على كده وتعبنا من الدنيا وعمايلها
إحنا رضينا ولا منرضاش مبقاش بإيدينا حاجه هنعملها
خليها دايره عذاب وفراق أحباب وألام فى نهارها وليلها
خلينا كده راضين صابرين ساكتين عايشنها وبنكملها
أيام وليالى وده حالك وده حالي وجع من كل قريب وغريب
أيام وليالي وسؤالك وسؤالي طب ليه ملناش في الفرح نصـيب
طول عمرها دنيا معندانا بانيه الحزن بيوت جوانا ضرب في الضهر وفى الوش
م اللى كارهنا واللى هوانا إحنا يا قلبى شبعنا خيانه وديما يتقال لنا معلش
