ساعات بشتاق ليوم عشتوا و انا صغير
لشكلي قبل ما اتغير
لأيام فيها راحة البال
عشان كنا ساعتها عيال
ساعات بشتاق
للحب القديم و لصوت عبد الحليم
لنومي في حضن لبس العيد
و احساسي ان بكرا بعيد
لفنجان قهوة من امي و انا بزاكر
لفرحة ابويا لما انجح و اكون شاطر
للمة عيلة في الصيف لما بنسافر على مطروح
لأول لمسة من ايد الي حبيتها
لضحكتها و رقتها و برائتها
لدمعة في عيني يوم البعد خبيتها و أنا مجروح
ساعات بشتاق لخالي و عمي و لجدي
لحواديت من بتوع ستي
لليلة من ليالي زمان
لفرح بيملى كل مكان
ساعات بشتاق لبيتنا الكبير
و لناس مليانة خير
لا باتوا في مرة يوم شايلين
ولا عملوا حساب لسنين
للعب الكورة في الشارع في حتتنا
لأمي و أيام تعيد على جارتنا
لرمضان لما بنورو يهل على بيتنا و كل مكان
حاجات عدا عليها سنين سابت فينا
صور جوانا عايشة زي أسامينا
ولا الدنيا ولا الأيام تنسينا
ليالي زمان
ساعات
لأيام فيها راحة البال
عشان كنا ساعتها عيال
