عظمة علي عظمة عينيك
فلتة وحواليك عشاق
موضة ونقاوة وشيك
خلتني عليك مشتاق
العود طلقة ومرسوم
لوحة بريشة فنان
خلاص جوايا محسوم
حبك نعمة وبتبان
دا عاجبني الأوت فيت
خلالي دماغي تشيت
بجمالك انا اتثبت
ياحلاوة من غير مكياج
بالضحكة دى متسهله
اعصابي مش متحمله
ياللى كلامك مشكلة
مظبوط من غير مونتاج
انا فيك شاري ومتبت
ومشاعري فيك اتشدت
و الدنيا دي لو اتهدت
عمرى ما اسيبك ومحال
ابعد عنك دا انا بيك
عايش مبسوط في عينيك
دا انا متشعلق في ايديك
عايز اعملك تمثال
