يالقصيد الي تبي توصف قصيد
اه يـا حـي الـمـعـاني والـورق
مدري فيها ياقصيدي وش تزيد
غير سبحان الي خالقـها و فــرق
بنت أجمل من سنا الصبح الجديد
ومن رذاذ الغيم إهي أنـعـم و ارق
الخيال عـيونها و ضحكـتـها عـيـد
والي قال إتـسكـت القمرة صدق
من لفت وقـلوبنا تقرى و تـعـيد
حـولـهـا الأذكـار وايـات الـفـلق
الي ملـقـاها إلى جـت من بـعيد
كن حظ الدنيا في وجهك شرق
قالو فيها روعـة الـزيـن الفـريـد
وانا اقول الزين لو ينطق نـطق
كنها خـلـقت على ما هي تريد
ألف سبحان الي أبدعها و خلق
قدرها ومن يومها عالي الرصيد
من تـوعى قلبها الدنيا و خفـق
جت وكنها فرحة العمر السعيد
تكبر و يكبر غلاها والله حق
لي مثـلـها و بـغلاها شي أكيـد
ما هو بس ينحب إلا ينـعشق
يعني هذي البنت بالوَصف المفيد
الله خالـقـهـا و الله الـي فـرق
مدري فطـرة ولا مع دم الوريد
ذوقها الي فاح من لـيـنـه عبق
إن حـكـت ودك سوالفها تـزيد
بنت أعذب وأهدى من لون الشفق
في ثـنـاها ما يـزود إلا القصيـد
يعني يا حظ الـمدايـح والـورق
كل هذا الوصف وما جبت الجديد
وتبقى موزه أحلى من كل ماسبق
