ياعيون اللي تبيعين العمر لـ عيونه
مرحبا والشوق له حق يتقاضى منا
يوم غبتي كن روحي للشقا مرهونه
بين عينٍ ماتنام و بين قلب معنا
ويوم جيتي عاشقه مشتاقه ومفتونه
جعل طعنات الغياب الماضية يفدنا
جيتك مثل السحاب اللي تهل مزونه
و عيد عمري يوم عودنا مثل ماكنا
جونا يا عاصمة قلبي لو يعيشونه
مانشدوا عن جو اهل باريس واهل فينا
وحالنا واحد لاقالوا حالنا وشلونه
ياعسى عيون الفرح والوصل مايبكنا
اضحكي ويزين كل الكون يامزيونه
وحني كفوفك من الحناء ياحظ الحناء
قلت فيك اغلى القصيد وغيرك يغنونه
وانتي تقولين يكفي شاعري لا غنا
صعب اوصّف لك شعوري والكلام يخونه
تكفي النظرات خليها تكلم عنا
علميهم عن جنون العشق ويعرفونه
كان قالوا منهم العشاق قولي حنا
