لأني عزيز وعزة نفسي راس مالي
كرامتي لفوق دي هي وبس بقيالي
محبش ابان في صورة وتبقي مهزوزة
معاشر ناس هدفها ترخص الغالي
خلوني أخرج عن شعورى وخلقي ضاق
عالم مزيف كله مليان بالنفاق
انا كنت عايش فيها كافي خيرى شرى
دول حولوني وخلو قلبي كبر وفاق
استضعفوني عشان بطولي في وسطهم
وانا كنت فاكر نفسي واحد منهم
هما إلا نكشوا ومتقوش شر الحليم
خلوني اغيب وصبحت ديب من غدرهم
جوا النفوس هتلاقي سوس ومعتش طيبه
غاب الضمير عن ناس كتير اشكال مريضه
اعمل حسابك وانتبه وفوق لحالك
خليك حويط وسط البشر ياتموت فريسه
متقولش صاحبي عشان خلاص عصرو انتهي
الضيقه كشفت ناس كتير علي أصلها
بطل غشم وبلاش عشم مستني ايه
مستني ايه من ناس بتاكل بعضها
اجمد وأوعي تخلي حد يكسر عنيك
واياك تطاطي في يوم لواطي يذل فيك
هتعيش جبان وسط الحيتان هينهشوك
من غير كرامتك اي حد يدوس عليك
م الدنيا خدت دروس كتير وذكرتها
وحاولت اعيش طيب فقلبت وشها
وعرفت إن الطيبين راحو من زمان
والاحترام والجدعنه مش وقتها
