مشتاقلك وما اكمل الباقي
لان ماريد ازيد هم على همي
للتصورني عايش وانت مو يمي
ولان مو انت لتكوله كرهته اسمي
بعيد انت واحسك اقرب من عيوني اليه
واحشني حبيبي وحبك مسيطر عليه
وين الكاك كطعت الهوه من اكطعت بيه
وانت تدريني شوكي ماليني
وماحله من البشر غيرك بعيني
ليش ناسيني وما تحاجيني
انتهيت من انتهى البينك وبيني
مشتاك الك واكذب على نفسي
ورش عطري والبس احلى ما عندي
كاني موعدك بس كاعد لوحدي
النهار يعدي بس الليل ميعدي
لميعرفني يجي يكلي يكون الله بعونك
لان واضح عله عيوني التعب ابلا عيونك
شريد احجي قليل البخت والحيله بدونك
شكد حلو حبنه جان ب اولنا
ليش خلينا الوكت هيج يبعدنا
من تفاركنه عشنه بس متنه
وصارن ايام العمر مالها معنى
