يوم شفتك طرت أعلن مولدي
للطهر للشعر للحب و دعيت
جعل يومي قبل يومك يا بعدي
و بعدها أذكر تبسمت و بكيت
يا خرافة نبضها لمسة يدي
كل ما تنزل لك دموعي رقيت
أفتخر بك من هنا لين الجدي
لو غرستك ثم سقيت و ما جنيت
ياللي الحسن بوصوفك يقتدي
جيت أدور لك شبيهه واستحيت
لين قاطعت المرايا مقصدي
أتناسى ما فعلت و ما نسيت
العشق فيني عضال و سرمدي
والقصايد ثرثرت لو ما حكيت
الفراق القرب روحي إبعدي
والله إنك كل ما تقفين جيت
