مرحبا يا اغلا البشر واجمل ملاك
مرحبا ما لاح برق ورعد حن
مرحبا من قلب صادق في هواك
قلب ما قد حب احد مثلك ولن
لا وكلا لم ولن يعشق سواك
للابد يهواك الى اخــر زمـــــــن
بس ودي تقول وشهو اللي حداك
ع الغياب المر وش بك ما تحن
الغياب اللي عن عيوني خذاك
تشتكي منّه عيوني والجفـــن
تدري وش هو اللي بقى لي من وراك!
السهر والضيق مع هم وحزن
اهــــ يا ما اقساك ويا مقسى بطاك
كني اللي مغترب وانت الوطــــن
بس دامك جيت ذا كله فداك
دام سعدي مع مجيك مقترن
ودي اقضي العمر ذا كله معاك
وما يفرقنا الزمن نبقى معـــــا
منية اللي منيته يصبح منـــــاك
وان غـدى منيتك آمــــره وتمـن
لو طلبته شي قال ابشر عطــاك
مستحيل انه يردك او يمـــــــــن
كل شيء تبغيه في ذا الكون جاك
يوصلك حــــتى ولو بغلى ثمــن
يا قمر بين الكواكب في سماك
شع نورك وانكشف كل الحسن
جل منهو كملك واتقن حـلاك
لين صرتي فارقه من بينــــهن
ابسمي يا جعل ما يبسم سواك
دام رابي راسم المبسم بفـــــن
بنت شيخ يعرفه هذا وذاك
من شمال المملكة لقصى اليمن
حاتمي الكف غالي من غلاك
مكرم ضيوفه على حيل وسمن
