عاوز تحقق حلمك ينفع لكن بشرط
لازم تطلع من منطقه الراحه وتعدي الخط
ال comfort zone أمان مزيف سيبه وفوق من الخلط
مش ممكن تعبر المحيط من غير فراق الشط
إنشف و امنع خوفك ياخد عنك قرار
وطنش إحباط الناس إلي بتتمنى لك الإنهيار
هم إختاروا يشوفوا الماتش إنت قررت تلعب
هم آختاروا العادي السهل إنت قررت تتعب
أغلبهم عنده القدره بس العبره بالإختيار
عشان كده تلقى الأبطال في الدنيا دايما مش كتار
لو حد حاول يقنعك تنزل بسقف حلمك
عشان يكون مألوف و واقعي أرفض لأنك
إنت إلي شفت حلمك إنت البطل في فيلمك
إرمي تكالك على الخالق و أخلص تلقاه يدلك
كتير حاجات اتوصفت بكلمه مستحيل
لحد ظهور إنسان نفذ ضرب مثل لكل جيل
إحلم حلم يكون شمس تنور حياتك
كل المخاوف والحدود أوهام مصدرها ذاتك
إستحاله تلقى الراحه والسلام في الأول
و ظروف مش عادله والاكتئاب يبدأ جواك يغول
و أوقات حاتدوق خساره فاليقين يبدأ يتحول
حاتتفاجيء كتير في الرحله بجد مش بأهول
إثبت جمع نفسك ركز وماتسلمش
وافتكر تعريف الناجح إنسان حالم ماستسلمش
أحلام من غير مجهود ملهاش تسميه غير أماني
عشان تحقق حلمك تزرع ميت فدان تفاني
حاعملها حاعملها مافيش قدامي حل تاني
نسفت فكره الرجوع تماما من كياني
تحت إيدك كنز كبير إسمه النهارده وبكره
خد لك كل يوم في سكه تحقيق حلمك حتى خطوه
مش سهل تحقق حلم بس الأصعب إنك تنساه
لو استسلمت واتنازلت ضاع منك معنى الحياه
سر تحقيق الأحلام الإلتزام والإستمراار
و إنك تخلص من قلبك مهما كانت الظروف مرار
الوقت إلي منافسينك فيه نايمين قوم إنت اشتغل
فضلوا السرير و إنت فضلت تقوم وتصنع بطل
ربك عادل عليه اتوكل حاتشوف المعجزات
بالإيمان وبالممارسه تتملك زمان الذات
