لا اجتمعوا الطيبين و هل هلاله يعني صارت
الأوقات أحلى ونحس ان الدقايق طارت
والجو يحلى برمضان اذا العوايل زارت
لا اجتمعوا الطيبين في مكان واحد صارت
لا اجتمعوا الغالين من بعاد غياب ومدة
مابين أهل وأحباب و جو مليان مودة
تحلى السوالف بيننا والشوق واصل حده
لا اجتمعوا الغالين من بعد غياب ومدة
على الخير جمعتنا
طول العمر عادتنا
بهذا الشهر نتلاقى
و بخيره يجمعنا
شهر تحس بخيره
من مثله من غيره
في كل شي فارق
بطيبه وبتأثيره
لا اجتمعوا الطيبين يعني انت في بلادي
هُنا الكويت الشامخة الحب اللا إرادي
في كل فعل خير تلقى في لها أيادي
للحب والسلام دايم ديرتي تنادي
هي سؤال يدور وسط البال و يستثيره
وهي التضاد الحرفي هي صغيرة بس كبيرة
وهي جواب الحب فيها قلوبنا أسيرة
نعمة من الله يا عسى ربي يحفظ هالديرة
على الخير جمعتنا
طول العمر عادتنا
بهذا الشهر نتلاقى
و بخيره يجمعنا
شهر تحس بخيره
من مثله من غيره
في كل شي فارق
بطيبه وبتأثيره
