كثر ما الدنيا ما ترحم
انام بظلم وأصحى بظلم
وكل ما الدنيا تعبتني
أحط راسي ع صدر الهم
تجري الناس في دربي
بما لا يشتهي قلبي
هل كان العتب عالشوف
ولا لطيبتي عتبي
إي والله ان الجهل أحيان
رحمه يكون للإنسان
ما تدري بنوايا الناس
خفايا الصاحب الخوان
يا دنيا وش هو التالي
مو كافي جالس لحالي
خذيتي كل شي يا دنيا
وبعدني ف عينج الغالي
مدام ان العمر رايح
ما تفرق منو الرابح
ومنو الخسران يا دنيا
واضح ولّا مو واضح
ادري الصدفه مو صدفه
وكلن حظه ايعرفه
مالي رجا فالخلق
رجيت الخالق وعطفه
