اللي تركني وأنا بالحيل محتاجه
يحتاج غيري مع الايام ويفقدني
لا شك يجي يوم أنا وياه نتواجه
خله يجرب شعور الفقد ويذكرني
أدري هجرني و أنا ماحب إحراجه
تعبت أقدر ولا أشوفه يقدرني
ودك تروح روح ولكن بالصدر حاجه
بقولها اليوم وأبيك اليوم تسمعني
عطيتك اكثر من اللي كنت تحتاجه
ياما عطيتك وأنا كل شي ناقصني
انت اول من أشعل الحب وسراجه
وانت اللي بآخر طريق الحب ضيّعني
.
عطيتك قلب وفا اكثر من الحاجه
وانا والله ماغير الوصل يقصرني
وإذا بتروح طلبتك بالصدر حاجه
بقولها اليوم وابيك اليوم تسمعني
ماعاد احتاج هذاك الحب وسياجه
ولا أبي شخص بإسم الحب يكسرني
